Tómatar

Duplicate Widget

  • Save Widget
  • Remove Widget
Auðvelt er að rækta tómata í heimahúsum. Til þess að árangur og uppskera sé með bestu móti er gott að byrja að forrækta plönturnar upp úr miðjum febrúar og ala svo upp annaðhvort innandyra eða í gróðurhúsi. Tvær tegundir tómatplantna er helst að finna; runna og hengiplöntur, og getur verið gaman að prufa báðar tegundir til þess að sjá hvað hentar hverjum og einum. Best er að sá tveimur fræjum saman og fjarlægja svo minni plöntuna ef bæði fræin spíra. Þegar plönturnar eru orðnar um 4-5 cm háar skal umpotta þeim yfir í ca 12cm potta og ala upp þar til þeim er svo umpottað í stóran pott þar sem þær skulu hafðar þar til þeirra hlutverki er lokið um haustið. Sá þarf fyrir nýjum plöntum á hverju ári.

Þegar plönturnar eru komnar í 12cm potta er gott að hafa þær í suðurglugga. Tómatplöntur þurfa mikla sól, mikla vökvun og talsvert mikla næringu. Vökvið á hverjum degi með vatni, en með næringu 1-2 í viku.

Hengiplönturnar geta vaxið mjög hratt. Þær þurfa einhverskonar stuðning og gott er stinga bambusstöng í moldina og binda plöntuna við hana. Þegar plantan hefur náð þeirri hæð sem pláss leyfir er í lagi að klípa vaxtarsprotann af. Þá hættir plantan að eyða orku í vöxtinn og fer að einbeta sér að tómötunum sjálfum. Einnig skal alltaf klippa alla hliðarsprota af plöntunni. Best er að leyfa svo tómötunum að þroskast á greininni þar til þeir eru orðnir eldrauðir og tilbúnir til neyslu, þá eru þeir sætir og góðir.

Tómatplöntur geta verið afar gjöfular og ég mæli með að fólk prufi þær tómattegundir sem til eru eins og t.d. kirsuberjatómata, plómutómata og bufftómata til þess að auka á úrvalið í ræktuninni.

Til í að prufa?

Það er um að gera að prufa alls konar ræktun. Hér eru nokkrar hugmyndir

One Comment

Leave a Comment

Your email address will not be published. Required fields are marked *

*