Er eitthvað betra á heitum sumardegi en ískaldur kokteill? – Nei… svarið er nei.
Hér eru tvær skotheldar hugmyndir af kokteilum til þess að njóta á pallinum í sumar. Bónusstig fyrir þau sem nota heimatilbúið engiferöl!!
Ég notaði gamla kartöflupressu (notað til þess að búa til kartöflumús) til þess að kreista granateplafræin. Ég skar granateplið í tvennt, hélt á einum helming fyrir sig þannig að skurðurinn vísaði inn í höndina. Svo sló ég á granateplið með sleif og við það hrundu fræin úr.
Varðandi greip-ið … það er svo sem ekki nauðsynlegt að grilla það. það bara gefur skemmtilegan lit í kokteilinn og svo vottar fyrir örlítlu “brenndu” bragði í honum. Ég myndi alveg hiklaust grilla það aftur næst þegar ég skelli í þennan kokteil
Sá rauði
Hráefni
- 2 oz Ferskur granateplasafi
- 1.5 oz Dökkt romm
- Safi úr einum lime bát
- 3 oz Engifer öl
- Klaki
Aðferð
Blandið saman klaka, granateplasafa, rommi og limesafa í kokteilhristara og hristið. Setjið klaka í kokteilglas, hellið engiferölinu út í og síið loks rommblönduna úr kokteilhristaranum í glasið. Skreytið með lime sneið.
Sá guli
Hráefni
- 2 oz Safi úr grilluðu greipaldin
- 1.5 oz Tequila
- Safi úr einni lime sneið
- 3 oz Engifer öl
- Klaki
Aðferð
Skerið greipaldin í tvennt og grillið í stutta stund. Kreistið svo úr því safann og notið í drykkinn. Blandið saman greipaldinsafa, tequila, lime og klaka í kokteilhristara og hristið. Setjið svo klaka og engiferöl í kokteilglas og hellið tequila blöndunni yfir. Skreytið með ræmu af lime berki.
