Þessi brauð eru algjörlega geggjuð. Fljótleg og auðveld. Brauðin eru flött út mjög þunnt, skellt á sjóðheitan pizzastein eða pönnu og svo pennsluð með hvítlaukssmjöri og sjávarsalti.
Brauðin
Hráefni
- 7gr ger
- 2tsk sykur
- 300gr brauðhveiti
- 1/2tsk lyftiduft
- 25gr Bráðið Ghee (eða smjör)
- 150ml jógúr (eða AB mjólk)
Aðferð
Setjið 125ml af volgu vatni í skál ásamt geri og 1tsk af sykri. Látið standa í ca 10mínútur þar til froða hefur myndast.
Setjið hveiti, 1tsk sykur, 1/2 tsk salt og 1/2tsk lyftiduft í skál og blandið. Bætið gerblöndu, jógúrti og smjöri út í skálina og blandið saman með sleif. Bætið við vatni eða hveiti eftir því sem við á en deigið ætti að vera nokkuð blautt og þannig að auðvelt er að mynda úr því kúlu.
Hnoðið örlítið í skálinni áður en þið færið yfir á hveitistráða borðplötu þar sem deigið er hnoðað í 10mínútur.
Deigið sett í skál, penslað með bráðnuðu smjöri og látið hefast í um klukkustund.
Skiptið deiginu í 6-8 kúlur og fletjið út.
Steikið hvert brauð á sjóðheitum pizzastein eða á pönnu í ca 1-2mín á hvorri hlið (fer eftir hita og þykkt brauðsins).
Þegar brauðið er tekið af hitanum er það penslað strax með hvítlaukssmjöri og loks saltað örlítið með sjávarsalti.
Hvítlaukssmjör
Hráefni
- 4 ferskir hvítlauksgeirar
- 1 chilli
- fersk steinselja
- 100gr smjör
- 100ml ólífuolía
Aðferð
- Bræðið smjör og olíu í potti
- Saxið smátt hvítlauk, chilli og steinselju og bætið saman við smjörið.
