Týpískur Indverskur karrí réttur. Í þennan rétt notum við Indverskt kryddmauk sem er afar sérstakt en bragðgott. Bragðmikill réttur sem tilvalið er að bera fram með nýjum naan brauðum.
Hráefni
- 3 Hvítlauksgeirar
- 2 cm Engifer
- 1/2 msk Kashmiri chilli duft (eða paprika)
- Límóna
- 1/2 tsk Túmerik
- 1 kg Úrbeinuð kjúklingalæri
- 1/2 rauðlaukur
- 1 tsk Garam masala duft
- Ferskt kóríander
Aðferð
Við byrjum á því að útbúa marineringu fyrir kjúklinginn. Blandið saman engifer-hvítlauks mauki, 1/2msk Kashmiri chilli dufti (eða papriku), 1/2 tsk Túrmerik og safa úr 1/2 límónu. Skerið hvert kjúklingalæri í tvennt og setjið í skál ásamt marineringu og blandið vel saman. Látið marinerast við stofuhita í um 30mínútur.
Hitið stóra þykkbotna pönnu. Færið kjúklinginn á pönnuna, saltið og steikið við miðlungs-háan hita þar til kjúklingurinn hefur brúnast lítillega.
Bætið nú kryddmaukinu og einum bolla af vatni út í pönnuna og blandið öllu vel saman. Setjið lok á pönnuna og leyfið að malla í um 20 mínútur.
Sneiðið laukinn og bætið út á pönnuna ásamt 1tsk Garam masala og slatta af söxuðum kóríander. Látið malla í um 5mínútur í viðbót.
Skreytið með svolitlu af söxuðu kóríander og berið fram.
